Vrasja e George Floyd është kryefjala e gjithçkaje momentalisht, e cila ka ngritur të gjithë Amerikën në protestë.
Sakaq, pritet që oficerët të marrin dënim që meritojnë për vrasjen e tij.
Deri më tani është arrestuar dhe akuzohet për vrasje ish-oficeri Derek Chauvin, i cili vuri gjurin në qafën e afro-amerikanit, teksa ai kërkonte ndihmë dhe thoshte se nuk merrte dot frymë.
Ndërkohë së fundmi autoritetet kanë njoftuar se edhe tre ish-oficerë të tjerë që ishin prezentë gjatë atij momenti, konkretisht: Thomas Lane, Tao Thao dhe J Alexandër Keung do të akuzohen për vrasjen e George-it.
Njoftimi zyrtar i Prokurorit të Përgjithshëm të Minesota, Keith Ellison, për akuzat pritet të vijë të mërkurën, përkatësisht pas më shumë se një jave prej që Floyd u vra.
Autoritetet njoftuan se Chauvin, i cili fillimisht ishte akuzuar për vrasje të shkallës së tretë, i është ndryshuar akuza dhe tashmë akuzohet për vrasje të shkallës së dytë.
Shtetet e Bashkuara të Amerikës janë ndezur nga protestat për vdekjen e afroamerikanit George Floyd, i cili i kaloi momentet e fundit të jetës me gjurin e një oficeri në qafë, duke iu lutur për jetën e tij.
Mijëra vetë marshuan për drejtësi dhe barazi këtë fundjavë, pas vdekjes së një njeriu me ngjyrë, i cili as nuk i kishte kundërshtuar oficerët gjatë arrestimit.
Protestave iu janë bashkuar edhe personazhet e famshëm nga e gjithë bota.
