Pasi u bë nënë për herë të tretë, opinionistja e “Për’puthen” Neda Balluku u rikthye në punë bashkë me të voglën e saj Suzie Ann me vete.
Për të mos ndërprerë punën në televizion dhe sigurisht për të qenë më e përmbushur, ajo gjeti mënyrën ta ushqente të bijën me gji në prapaskenë. Rikthimi i Nedës në punë u vlerësua nga një pjesë e mirë e ndjekësve, por kishte dhe nga ata që e kritikuan.
Pikërisht këtyre të fundit, Neda iu përgjigj ashpër:
“Ju thjesht i doni gratë në shtëpi. Për cilëndo arsye. Nëse eshtë shtatzënë, apo lehonë. Nëse është me fëmijë të vogël apo si lopë kur i thoni ju. Nëse është me gji apo pa gji. Nëse punon në shtet apo në Top.
Ju thjesht preferoni që të gjitha të jenë siç jeni vetë; aq të dështuara se nuk ditët kurrë të ngriheni mbi diktimet që ju ka bërë vjehrra e fisi i burrit apo injoranca e trashëguar nga rraca ku keni lindur prej të cilave jeni plasur në shtëpi me vite.
Kur keni qenë nuse keni qenë nën hyqmin e vjehrrërisë. Kur ishit gra nën humorin e burrit që ju ka patur vetëm që ta lani, shplani e t’ju lërë me barrë. Se mundësisht puthjet e dashurinë e madje edhe lekët e shtëpisë i linin diku tjetër me të tjera. Dhe në pleqëri jeni nën urdhërat e kalamajve të kalamajve, sepse domosdo do i mbani e rritni sepse keni lindur për të shërbyer. Të gjitha këto i ndjeni si handikap tek vetja dhe derdhni këto perla në instagram. Dhe merreni me Nedën, me gocën e Nedës, burrin e Nedës, këpucët e Nedës dhe mitrën e Nedës.
Vazhdoni motrani! Prej jush më vazhdon rroga”, shkroi ajo.
