Çifti i njohur, Eno Popi dhe Atena Pali janë bërë prindër për herë të parë, të një vajze të shëndetshme. Vajza ka ardhur në jetë në SHBA-ës, ku Atena ishte vendosur prej disa javësh.
Sipas revistës “Bordo”, Eno Popi nuk ka qenë pranë partneres në momentin e lindjes, por ai do t’iu bashkohet dy vajzave të tij së shpejti, për t’u kthyer më pas në Shqipëri të tre.
Eno Popi dhe Atena janë në një lidhje të konsoliduar prej vitesh dhe me ardhjen në jetë të vogëlushes ata janë tashmë një familje e kompletuar. Kujtojmë që çifti i njohur e ndau me të gjithë lajmin e pritjes së ëmbël gjatë Krishtlindjeve të kaluara, duke postuar në rrjetet sociale një foto ku shfaqej ekoja e bebit.
