Blendi Salaj ka vendosur t’i përgjigjet pozitivisht ftesës së televizionit më të ri “A2 CNN”, për të prezantuar emisionin e mëngjesit. Kështu, moderatori mbyll plot një dekadë të emisionit “Klubi i Mëngjesit” në radion “Club FM”. Në një intervistë për “Anabel.al”, Blendi rrëfeu se emisioni i ri do të quhet “Dita Jonë” dhe do të jetë një format televiziv mëngjesi.
View this post on Instagram
“Po, nga 7 janari do drejtoj mëngjesin në A2 CNN. Po përgatisim një format televiziv mëngjesi që i sjell informacionet e fundit në një formë të përshtatshme për gjithë familjen. Këtë do e prezantoj bashkë me Aulona Mingën dhe të tjerë kolegë. Quhet Dita Jonë.” – u shpreh moderatori.
Gjithsesi, Blendi nuk do të heqë dorë nga dashuria e tij e madhe për radion.
View this post on Instagram
“Nuk do të thotë se po shkëputem nga radio pasi e kam me shumë qejf dhe do jem sërish në radio për dëgjuesit, në një orar tjetër.” – tha ai për “Anabel.al”.
Sipas “Blitz. Al”, Blendi Salaj dhe kolegët e tij do të zëvendësohen nga Flori Gjini, Suada Daci dhe Rudi Deda.
