Këngëtari shqiptar Besart Halimi i ka bërë të gjithë të dyshojnë se mund t’i ketë dhënë fund martesës me bashkëshorten Ilirjana Podrima.
Dyshja u martua më 21 maj të vitit 2016 dhe dasma e tyre ishte një nga eventet më të përfolura.
Por, një gjest i vogël i çiftit në Instagram, ka bërë që menjëherë të vihet në qendër të vëmendjes.
Ata kanë fshirë të gjitha fotografitë e përbashkëta dhe nuk e ndjekin më njëri-tjetrin në rrjetin social Instagram.
Vetë këngëtari ka folur për “Indeksonline” dhe ka thënë se s’ka të bëjë me ndarje, por me një veprim të ngutshëm.
“Në çdo çift ka mosmarrëveshje, nuk ka të bëjë asgjë me fundin e martesës. Veprimi në Instagram ndoshta është i nxituar, por s’ka të bëjë me shkurorëzim, thjeshtë mosmarrëveshje”.
Besarti dhe Ilirjana kanë edhe një vajzë të vogël që quhet Kaia.
