Në seancën plenare të mbajtur ditën e sotme, Kuvendi ka miratuar shembjen e Teatrit Kombëtar, çështje kjo që prej muajsh është shndërruar në temë të nxehtë debati.
Me 75 vota pro, maxhoranca pranoi dekretin e presidentit Ilir Meta i cili e ktheu ligjin për Teatrin Kombëtar për disa ndryshime dhe tashmë i është hapur rruga prishjes së godinës së Teatrit Kombëtar dhe atij Eksperimental dhe ndërtimit të godinës së re që pritet të transformojë qendrën e kryeqytetit.
Vetëm një ditë më parë, opozita bëri thirrje për shtyrjen e këtij votimi, kërkesë që nuk u mor parasysh nga maxhoranca. Kjo ka bërë që opozita të bojkotojë procesin e votimit, ku ka rënë në sy dhe mungesa e ministrit të Diasporës Pandeli Majko dhe kryeministrit Edi Rama.
Sakaq, në dyert e Kuvendit është mbajtur një protestë kundër këtij vendimi, ku kanë qenë pjesëmarrës aktorë të teatrit dhe aktivistë të shoqërisë civile.
