Kohët e fundit në media janë përfolur shumë pasuritë e gazetarëve dhe “shifrat e majme”, që fitohen nga ky profesion.
Një ndër emrat më të lakuar ka qenë edhe ai i Blendi Fevziut me emisionin e tij “Opinion”, për të cilin është thënë se ai merr 27 mijë euro në muaj. Lidhur me këtë Blendi ka qenë i ftuar në emisionin e gazetarit Çim Peka i cili e ka pyetur lidhur me rrogën. Blendi nuk ka dashur të japë shifra konkrete përsa i përket rrogës por ka kthyer këtë përgjigje:
“E dëgjova këtë. Duhet të them që kur dikujt i thua që je personi më i paguar i fushës tënde, duhet të ndihet krenar. Po nuk e di sa e vërtetë është kjo sepse nuk i di rrogat e të tjerëve. Di që paguhem aq sa kam rënë dakord me televizionin dhe që rroga ime mbulohet krejtësisht nga sponsorët e emisionit. Ndërkohë rroga dhe të gjitha të ardhurat e mia figurojnë në tatime sepse çdo cent që unë marr nga puna ime e marr përmes bankës. Kam dëgjuar që janë përmendur shifra fantastike. Do të bëja ç’është e mundur dhe do punoja më shumë që të arrija në ato nivele, por kam frikë se në këtë treg mediatik kjo është e pamundur”, është shprehur ai.
