Motra e vogël e këngëtares Besa Kokëdhima, Era ka festuar ditëlindjen dhe sigurisht urimi i familjes ka qenë ai që ka mbushur ditën e saj me gëzim.
Fillimisht ka qenë stilistja Bora Kokëdhima që ka uruar të motrën me disa fjalë të ndjera, që vetëm motrat i kuptojnë. E njohur për tipin e saj të drejtpërdrejtë, ajo ka zbuluar disa “sekrete” rreth jetës së motrës, që jo të gjithë i dinin. Me sa duket, Era është aktualisht beqare dhe urimi i së motrës për shpirtin e saj binjak, e tregon këtë detaj:
“Me ty zoti, ndreqi gabimet që bëri me mua! Meriton të zvogëloj globin dhe të ta bej mëngë për fustan. Meriton për ty, të prodhoj një burrë në laborator që as të mos gërhasë..meriton një botë ku ambicia, dhuna e meskiniteti njerëzor, të jenë dekor për tualete.. meriton që bari të jetë i gjelbër edhe në Dhjetor, dhe që pemët në vend të frutave, te kenë kokrra diamanti; se je diamanti im”, shkruan Bora.
Më pas ka qenë Besa ajo që ka publikuar një foto të motrës me një urim mjaft të dashur për të:
“Engjëlli i shpirtit u bëfsh 1 milion vjeç! Je dhurata më e çmuar që Zoti i ka bërë familjes tonë! Të dashuroj e jam e bekuar që të kam motër! Shëndet, lumturi e dashuri se ti je dashuri”, i shkruan Besa, e cila më pas ka publikuar një foto me Erën kur ka qenë e vogël.
Ky urim nuk kishte sesi të mos prekte vajzën e ditëlindjes e cila, u ka kthyer të motrave të njëjtat fjalë dashurie:
“Besa ime, ah Besa ime e bukur, zemër arta e motrës, kemi kaluar kaq shumë gjëra bashkë, po asnjeherë nuk me mjaftojnë. Nuk paska dashuri më të madhe se ajo e motrave. Nuk paska jo. Nuk ndryshoka kjo ndjenje as për 1 mije vjet, asgjë nuk e zika dot atë vend. Bota ka miliarda motra, asnjeri s’ka motra si te miat! Te dua Besa ime, mbrojtësja ime e madhe”.
“Bora ime e bukur, drita ime e dashur, motra ime e shtrenjtë, nuk ka asgjë më të bukur në botë se dashuria midis motrash, dhe unë jam me fat që kam motrat më të mira të kësaj bote. Nuk dalin fjalët të përshkruajnë dashurinë time, nuk dalin lotët të tregojnë emocionin që më bën të ndjej, nuk del jeta ta kaloj me ty dhe të arrij të ngopem. Të dua pafundësisht dhe përjetësisht. Je copa e imja, mishi dhe gjaku im”.
Era dhe Besa Kokëdhima
