Talentet mund të zbulohen edhe rastësisht! Të gjithë mendojnë se është mjaft e vështirë të bëhësh i famshëm derisa dikush të zbulojë talentin tënd të vërtetë, që nuk i dihet nëse fati do jë të ndihmojë në këtë pjesë apo jo.
Veç rasteve kur shumë këngëtarë, modele,moderator etj janë zbuluar me audicione, ka pasur edhe raste kur talenti i shumë prej figurave më të njohura të ekranit janë zbuluar papritur në mënyrë të papritur.
E njëjta gjë ka ndodhur edhe me këto figura të njohura shqiptare.
1.Luana Vjollca
Luana prej disa vitesh ka mbërthyer teleshikuesit shqiptarë pas emisioneve të saj dhe sot është bërë një nga moderatoret më të famshme e të suksesshmë. Mirëpo shumë pak veta mund ta mendonin se ajo ishte zbuluar në një parukeri kur ishte vetëm 14 vjeçe.
“Isha në një sallon bukurie dhe një stilist i njohur shqiptar më ofroi të isha imazh i kompanisë së tij të modës, isha vetëm 14 vjeçe atëherë.
Falë këtij bashkëpunimi arrita të isha në kopertinat e disa revistave dhe falë kësaj u pikasa nga producentët e televizionit “Top Channel” – tha ajo gjatë një interviste.
2.Anxhela Martini
E njëjta gjë ka ndodhur edhe më Anxhela Martinin, e cila ëndërronte të bëhej një modele, por fati nuk deshi deri në momentin që ajo u përball në Doganën shqipatre me dikë që e “detyroi” të konkuronte për Miss.
“Gjithmonë e kam ditur se doja të bëhesha modele, që kur isha vetëm 5 vjeçe. Madje edhe në Shqipëri fitoja çmime në lagje apo në shkollë. E kam dashuruar pozimin përpara projektoreve. Kur u vendosa në Zvicër, i gjithë ky pasion mori fund, pasi babai interesohej vetëm për shkollën. Isha shume e gjatë. Kur mbusha 18 vjeç, provova seriozisht të bëja modeling. Sapo kisha mbaruar shkollën dhe jetoja në Zyrih. Në atë kohë u ktheva për herë të parë në Shqipëri, qysh prej ditës që isha larguar dhe çmenduritë filluan sapo zbrita në tokë. Në Doganë më ndaloi polici. Ai thirri dikë që njihte nga organizatorët e “Miss Shqipërisë” për të pyetur nëse unë mund të përfaqësoja vendin. Unë nuk desha atëherë, isha modele dhe doja të kuptoja se si do të shkonte. Por pas atij takimi unë u lidha me Fadil Berishën. Fadili është një fotograf mjaft i njohur e i kërkuar në Nju Jork, por është shqiptar. Ne të dy u kuptuam menjëherë dhe keshtu nisi karriera ime, vetëm se rashë në kontakt me të është çmenduri!” – është shprehu ajo në një intervistë.
3.Klajdi Haruni
Sot është një nga këngëtarët më të njohur shqiptar, por dikur Klajdi Haruni këndonte vëtmë nëpër kararoke. Jeta e këngëtarit bdyshoi thelbësisht kur kantautori i famshëm shqiptar Flori Mumajesi vizitoi të njëjtin klub nate me Klajdin dhe e dëgjoi duke kënduar.
“Flori më zbuloi në një karaoke” – ka thënë Klajdi gjatë një interviste.
Ndërkohë kujtojmë se ai u bë shumë i njohur me hitin “Mamica” në vitin 2012.
4.Marina Vjollca
Dikur ajo ishte vetëm një velinë bukuroshe, por sot Marina Vjollca është kthyer në një prej moderatoreve më të dashura për publikun shqiptar.
Gjithçka filloi me një audicion që ajo e humbi pasi u shfaq me vonesë, por organizatorja Kozeta Kurti e pikasi menjëherë kur e pa dhe bashkë me stafin organizues vendosën t’i japin një shans tjetër Marinës në një tjetër audicion, në të cilën ajo u shpall fituese.
5.Kida
Kida ka marrë rrugën drejt muzikës krejt papritur. Në moshën 12 – vjeçare ajo u fut në një kurs baleti dhe më vonë u shfaq si kërcimtare në një show televiziv për herë të parë.
Dhe pikërisht aty një menaxher muzike e pikasi atë duke e pyetur nëse dinte të këndonte.Këngëtarja u surprizua nga kjo pyetje pasi nuk e kishte menduar kurrë të bëhej një këngëtare. Por ajo nuk hezitoi ta provonte dhe kështu zbuloi se kishte talent në muzikë. Menjëherë ajo firmosi një kontratë pasi u mbështet edhe nga prindërit e saj dhe sot është një nga këngëtaret më të suksesshme shqiptare.
