Aktori i njohur Orlando Bloom njihet për natyrën e tij moskokëçarëse dhe pa komplekse. Ai është fotografuar shpeshherë nga paparacët në daljet e tij ashtu siç e ka bërë nëna natyrë. Bashkëshortja e tij, Katy Perry është shprehur se Orlando nuk ka ndryshuar fare në këtë aspekt.
Këngëtarja e njohur e rrëfeu këtë detaj teksa ishte e ftuar në emisionin radiofonik të moderatores Kyle Sandilands duke thënë se përjashtimi i tij vetëm që ka bërë për të mos dalë nudo është kur janë me pushime me vajzën e tyre, Daisy, e cila erdhi në jetë në gusht të vitit 2020.
“Nuk ka asgjë që e ndalon atë mashkull. Ai është një ‘hamshor i tërbuar’ dhe kjo më pëlqen” , u shpreh Katy duke shkaktuar të qeshura në studio.
Duket se ylli i “Pirates of the Caribbean” nuk e ka aspak problem të tregojë haptazi asetet e tij mashkullore. Fotot nudo të Orlando Bloom të shkrepura nga paparacët u kthyen menjëherë sensacioni i internetit. I ftuar në “The Howard Stern Show” në shtator të 2019-tës u detyrua të pranonte se përmasat e organit të tij gjenital nuk janë aq sa ai aludonte të ishin. Bloom tregoi dhe se jeta seksuale me yllin e “Roar” ndryshoi që me ardhjen në jetë të Daisy-t.
Rikujtojmë se Katy Perry dhe Orlando Bloom kanë kurorëzuar dashurinë e tyre në fejesë në vitin 2019. Ata janë bërë prindër të një vajzë të vogël, e cila quhet Daisy. Por, ai nuk është baba vetëm i vogëlushes por edhe të një djali 11-vjeçar, të cilin e ndan me supermodelen Miranda Kerr.
