Në muajin mars të vitit që lamë pas, këngëtari i njohur Mentor Haziri mori vëmendjen e mediave për shkak të komentit të tij për performancën e Fifit dhe Mc Kreshës në “Këngën Magjike”.
“Thjesht ka qenë performanca më e dobët e festivalit, stonatura ka qenë e jashtëzakonshme. Mendoj që ka qenë një ndër performancat më të dobëta.
Nuk ishte kënga e keqe vetëm se performanca nuk ka qenë për t’u lëvduar. Diçka ndodhi me Fifin dhe Kreshën me mikrofonin dhe dëgjuesin. Fifi nuk ka qenë në më të mirën e mundshme për shkak të stonaturës”, u shpreh ai.
Haziri e votoi me vetëm 4 pikë këngën e famshme të dyshes, e cila në fakt u kthye në një ndër baladat më të preferuara. Thumbat virtualë mes tyre vazhduan e debati shkaktoi bujë në media, por Mentori ngriti flamurin e bardhë të paqes me Fifin mbrëmjen e sotme.
Ai u pyet në emisionin “Shiko kush luan” përse nuk flet me kolegen e tij dhe nëse do pajtohej me të.
“Jemi përshëndetur kur kam ardhur këtu. Nuk është e vërtetë që nuk flasim, ajo është shumë e talentuar”, tha Mentori. Më pas ai u përqafua me Fifin, por kjo e fundit nuk dukej shumë entuziaste.
View this post on Instagram
Kur Mentori tha se nuk është e vërtetë që nuk flasin, Fifi shtoi: “Vetëm se më shmangu më herët”. Më pas ajo i tha Luanës se nuk e pyeti edhe atë rreth këtij debati dhe si i kanë raportet dy kolegët, duke lënë të kuptohet se gjërat mes tyre nuk janë sqaruar plotësisht.
