Miriam Cani i është përkushtuar totalisht rritjes së dy fëmijëve të saj, Amelisë e Duamit dhe herë pas here ndan në rrjete sociale momente të ndryshme që kalon gjatë ditës me ta. Ajo ka ndarë mëngjesin e sotëm një video shumë të ëmbël, duke treguar se dita nis shumë bukur për të në praninë e dy të vegjëlve.
Në planin e parë të videos shfaqet Duami, që luan me Miriamin, ndërsa Ameli shihet e shtrire në një divan. “Bota ime”, ka shkruar Miriami përkrah videos së ëmbël të të vegjëlve.
Para pak kohësh ajo zbuloi për herë të parë edhe portretin e Duamit, sepse që nga lindja nuk kishin ndarë asnjë foto të tij me fytyrë. Duke publikuar videon e parë të vogëlushit, Miriami zbuloi se ka qenë pikërisht ai që e ka frymëzuar për të krijuar diçka shumë të pastër e të mbushur me dashuri, siç është biznesi që ka hapur së fundmi dedikuar fëmijëve.
“Duam, si e do natyra diellin. Duam, si e duan yjet qiellin. Ti më ke frymëzuar të krijoj diçka që është e mbushur plot dashuri e mirësi. E pastër si dashuria e nenës!”, shkruante Cani.
View this post on Instagram
Në një intervistë të dhënë për revista “Class”, këngëtarja ka treguar se mëmësia e ka ndryshuar shumë dhe e ka përshkruar si gjënë më me vlerë.
“Është bekim. Lumturi. Frymëzim. Nuk besoj se ka arritje më të madhe për një njeri sesa të krijojë një familje të shëndetshme në çdo aspekt. Shpeshherë, kur i shoh të dy fëmijët bashkë, nuk më besohet që i kam lindur unë. Falënderoj Zotin në çdo moment. Sidomos në kohët që po jetojmë, gjithçka për çfarë i lutem Zotit është shëndeti i tyre. Asgjë tjetër nuk ka vlerë më shumë. Ndihem e bekuar me familjen që kam!”, është shprehur Miriami.
