Dasma e Besit dhe Xhensilës bëri bujë të madhe mediatike. Të gjithë folën për organizimin madhështor, shpenzimet marramëdëse apo edhe për surprizat e dasmës së Besit dhe Xhensilës.
Por ndryshe nga Orinda dhe Turi, që shijuan muajin e parë pas martese, Besi dhe Xhensila na treguan të kundërtën.
Dyshja filloi menjëherë punën. Pas dasme, Xhensila u nis drejt Zvicrës për një koncert. Nga ana tjetër bashkëshorti i saj Besi, ka filluar me përgatitjet e klipit për këngën që i kushtoi në dasmë Xhensilës “Skifterja e zemrës”.
Në momentin që menduam se nuk do të kishte muaj mjalti, këngëtarja postoi një zarf, i cili mban emrin e një resorti luksoz në Maldive, ‘Four Seasons’. Mbi të shkruhet edhe çifti i sapoartuar “Mr. & Mrs. Kallaku”.
Pas kësaj fotoje, Xhensila poston edhe një video të shkurtër duke trokituar gotat me shampanjë.Tani po që nisi festa.
