Ka një numër të madh personash të cilët e gjejnë veten të joshur në një marrëdhënie virtuale nga dikush, aq sa krijojnë lidhje të forta shpirtërore me të pa e takuar.
Spencer Morrill është njëri prej tyre. Ai ka menduar për 6 vjet me radhë se ka qenë i dashuri i këngëtares Katy Perry.
Duke folur për prezantuesit e Catfish show, Nev Schulman dhe Max Joseph, Morrill ka treguar se ai ka shkëmbyer email-e dhe mesazhe me këngëtaren për më shumë se një dekadë e gjysmë.
“Ishte një lidhje e menjëhershme”, shprehet ai. “Një milion ‘Të dua’ që shkëmbyem, ishte e paparë”.
Morrill shprehet se, pavarësisht martesës së kaluar të këngëtares Perry me Russell Brand dhe marrëdhënien e saj aktuale me Orlando Bloom, unaza e martesës që kishte blerë për këngëtaren i kushtoi atij “25 për qind të kursimeve”.
Po ajo që u zbulua më pas ishte se, Morrill kishte folur gjatë gjithë kohës me një grua që e ka emrin Harriet dhe jeton në Gloucester. Ajo i ka kërkuar falje për të gjithë këtë mashtrim që vazhdoi me vite të tëra dhe bëri që ai të binte në dashuri.
