“Valle”, bashkëpunimi i Doruntina Shalës e njohur si Tayna me reperin Lumi B që në momentin e parë që u lançua u përfol se ishte vjedhur nga një reper i huaj.
Shala ka kopjuar një fragment të këngës nga një artist jamaican, i quajtur Jason McDermott ose siç njihet me emrin e artit Stylo G.
Po flasim për rrjeshtat: “Pull up in a pull up in a fresh Addidas, Tayna might ride them never need gas”.
I njëjti fragment është përdorur nga Stylo G dy vite më parë në këngën e tij “Bam Bam” të publikuar më 6 shkurt 2020.
Artisti jamaican së fundmi ka reaguar në lidhje me këtë video që prej kohësh qarkullon në internet. Ai e ka ndarë fragmentin në Instagramin e tij ku krahas shkruan: “Sa më detyrohet ajo?”
Reperi madje i ka bërë edhe tag Taynës, ku i thotë: “100 mijë dollarë për një rresht ose kënga do të zhduket për 48 orë.”
Deri më tani nuk kemi një reagim nga ana e reperes së njohur. Mbetet për t’u parë si do të zgjidhet kjo çështje midis dy artistëve.
Ndërkohë ju kujtojmë që “Valle” ka dy muaj që është publikuar dhe deri më tani ka grumbulluar plotë 8.8 milion klikime në platformën “Youtube”.
