“Ti thjesht shtiresh sepse nuk do që të tjerët të dinë hallet e tua”.
Gjuha e trupit mes Donald Trump dhe Melania ka qenë shpeshherë në qendër të vëmendjes, sepse dashur padashur na ka treguar se marrëdhënia mes tyre ka qenë e tensionuar.
Një eksperte e gjuhës së trupit, Blanca Cobb ka analizuar me kujdes sjelljen e tyre, gjatë komunikimit që patën me publikun për Festën e Pashkëve. Gjuha e trupit mes Presidentit të Shteteve të Bashkuara dhe Zonjës së Parë meriton të gjithë vëmendjen pasi është me të vërtetë shumë konfuze.
Mollëzat
Teksa Donald qëndronte para turmës për të prezantuar eventin e organizuar nga Melania, mollëzat e tyre ishin shumë lart duke na treguar se ata ishin vërtet të lumtur me mënyrën se si po shkonin gjërat në atë moment. Blanca, ekspertja e trupit gjithashtu vuri në dukje se duart e tyre dukeshin të relaksuara. Për sa i përket gjuhës së trupit, këto janë shenja të mrekullueshme, por gjatë pjesës tjetër të mëngjesit ka patur disa momente që do t’ju japin sinjale për të dyshuar.
Shtrëngim i forcuar duarsh
Teksa të dy ecnin, mund ta shihni edhe në foto që Donald tenton të kapë dorën e Melanisë. Kjo e fundit sheh përtokë, asnjëri nuk qesh. Mes tyre nuk kishte një ndërveprim të vërtetë, shprehet ekspertja e gjuhës së trupit.
Shpatullat
Sapo Melania do të t’i frynte bilbilit ajo ul njërën shpatull dhe përkulet nga Donaldi. I jep atij një buzëqeshje të rreme, por gjithsesi shoqërore.
Distanca
Në përpjekje për të folur pa u afruar shumë me njerëzit, Donald u sigurua që të mbante Melanian në një distancë të konsiderueshme. Kjo tregon që ka një tension aty. Pavarësisht të gjithave, Melania ka një aftësi për të patur një buzëqeshje në fytyrën e saj gjatë gjithë kohës.
Prandaj gjuha e trupit mes çiftit më të diskutuar në botë, është aq konfuze sa e kishit imagjinuar para se të lexonit këtë artikull.
“Sa herë ke dalë me partnerin tënd dhe thjesht je shtirur sikur ke qenë e lumtur? Shtiresh sepse nuk do që të tjerët të dinë hallet e tua”
Burimi: Cosmopolitan
