Meghan Markle mund të lindë nga dita në ditë dhe që prej fillimit të shtatzënise është përfolur se ajo do të thyejë protokollin, që nga plani i lindjes deri te kush spital do të lindë.
Me pak fjalë, Meghan do të mundohet ta mbajë jetën e saj private, sa më private të jetë e mundur, dhe pallati mbretëror e konfirmoi.
“Duka dhe dukeshja e Sussex janë shumë mirënjohës për vullnetin e mirë që kanë marrë nga njerëzit në të gjithë Mbretërinë e Bashkuar dhe në mbarë botën, ndërsa po përgatiten të mirëpresin foshnjën e tyre”, thuhet në një deklaratë të publikuar të enjten në mëngjes.
“Lartësitë e tyre mbretërore kanë marrë një vendim personal për të mbajtur planet rreth ardhjes në jetë të fëmijës së tyre private. Duka dhe Dukesha presin me kënaqësi të ndajnë lajmin emocionues me të gjithë pasi të kenë pasur rastin të festojnë privatisht si një familje e re”.
Kjo me sa duket do të thotë se Meghan dhe Harry do të thyejnë protokollin mbretëror dhe nuk do të ketë fotografi tradicionale të familjes jashtë spitalit.
Kjo gjithashtu do të thotë se nuk do të ketë një lajmërim të jashtëzakonshëm për lindjen nga Pallati Buckingham, ashtu siç ndodhi me Kate.
Ajo që mbetet e paqartë është nëse do të ketë ose jo një përshëndetje tradicionale nga Kulla e Londrës, një formë standarde e festimit mbretëror kur foshnja lind.
