Princi Harry dhe Meghan Markle janë rikthyer në tapetin e kuq. Duka dhe Dukesha e Sussex u shfaqën në eventin për Lirinë e 2021 në Neë York City të mërkurën. Veprimtaria, e cila paraqiti gjithashtu pjesëmarrës të profilit të lartë si Jon Bon Jovi, nderon veteranët ushtarakë për shërbimin dhe u zhvillua në Muzeun Intrepid.
Meghan kishte veshur një fustan mahnitës, ngjyrë të kuqe të ndezur nga Carolina Herrera, i kompletuar me një dekolte të hapur dhe e kombinoi pamjen me këpucë sateni në ngjyrë burgundy nga Giuseppe Zanotti. Meghan dukej magjepsëse me flokët e saj të mbërthyer në një topuz elegant me nyje.
Ndërkohë, Princi Harry kishte veshur një smoking klasik të zi për ceremoninë speciale. Të dy ata mbanin karfica lulekuqeje të kuqe si një shenjë për Ditën e Përkujtimit të vetë Mbretërisë së Bashkuar më 11 Nëntor.
Kujtojmë që Meghan u shfaq në Samitin Online Dealbook të Neë York Times për të diskutuar rëndësinë e lejes prindërore të paguar për të gjithë dhe barazinë ekonomike për gratë, ndërsa Harry foli si i ftuar në një konferencë të fundit të revistës ËIRED, kundër dezinformimit në internet.
“Shikoni, sigurisht që ekziston një precedent midis familjes së burrit tim dhe familjes mbretërore që të mos ketë ndonjë përfshirje në politikë, por pushimet me pagesë, nga këndvështrimi im, është një çështje humanitare,” tha Meghan gjatë bisedës së saj.
