Meghan Markle është bashkuar sërish me fustanin e saj të bardhë, me të cilin eci drejt altarit katër muaj më parë, për t’i thënë “PO” Princit Harry. Në një spot të dokumentarit “Queen of the World””, Dukesha e Sussex shfaqet shumë e emocionuar kur sheh fustanin e bardhë të krijuar nga “Givenchy”.
Meghan shfaqet duke parë me kujdes, të gjitha detajet e qëndisura mbi vello. 53 shtetet e Commonwealth mishërohen në vellon e “Givenchy”, përmes luleve të qëndisura.
“53 shtete, oh zot… Do të na mbajë të zënë për një kohë të gjatë!” –shprehet Meghan teksa shikon plot adhurim vellon.
Ky është dokumentari i parë ku Meghan merr pjesë si anëtare e familjen mbretërore. Edhe përse ishte vetëm për disa sekonda në spotin e dokumentarit, fansat janë të mahnitur nga thjeshtësia e Meghan dhe mezi presin të shohin më shumë. Në dokumentar, Meghan do të rrëfejë emocionet e dasmës dhe do të zbërthejë me detaje fustanin e saj të nusërisë.
Burimi: Dailymail
