Pavarësisht se e gjithë gardëroba është shumë e rëndësishme për ne, duhet një kujdes i veçantë për disa aksesorë, si p.sh.: për çantat. Veçanërisht nëse keni një çantë të një marke, mund të siguroheni që ato të jetojnë përgjithmonë. Por duhet që të ndiqni këto truke kujdesi:
1.Vendosini në qese
Nëse blini çantë në kuti brenda gjeni edhe qeset prej cope, të cilat janë çelësi për t’i mbrojtur nga pluhuri dhe për t’i mbajtur në gjendje të mirë. Nëse nuk keni një të tillë, sajojeni përmes një këllëfi jastëku.
2.Pastrojini
Përdorni një spraj për mbrojtjen e kamoshit ose lëkurës. Mund të blini një copë me mikrofibër në mënyrë që ta fshini çantën nga jashtë çdo javë.
3.Mbroni pjesën e brendshme
Mos e neglizhoni pjesën e brendshme të çantës. Nëse merrni tualete vendosini në kuleta të kozmetikës. Për t’i ruajtur formën çantës vendosni brenda veshje të vjetra ose gazeta.
4.Vendoseni në një vend të sigurt
Zgjidhni një vend në dollap për t’i vendosur çantat ose diku ku nuk preken nga rrezet e diellit.
