Meghan Markle ka marrë një letër nga motra e saj nga babai, Samantha Markle, e cila i shkruan se kërkon t’i japë fund përçarjes.
53-vjeçarja Samantha i shkruan Dukeshës së Sussex se, është tani koha që ajo të pajtohet me të atin Thomas.
Sipas saj, babë e bijë nuk flasin prej 6 muajsh bashkë. Në foton e kartolinës së publikuar nga “Sunday Mirror”, Samantha shkruan:
“Pushimet janë koha që duhet të kalojmë me familjen dhe janë sentimentale. Babai po përpiqet të kontaktojë me ty dhe është shumë i lënduar që po e shmang atë. Jeta është e shkurtër dhe ti e di që babai është i mrekullueshëm. Të lutem jepi lumturi në vitet e tij të fundit, duke i treguar se e do. Koha është tani. Të lutem mendohu për këtë”.
Konfliktet mes Meghan, babait dhe motrës së saj u bënë publike që para dasmës së saj me Princin Harry.
Burimi: Daily Mail
