Të jesh pjesë e një famlije mbretërore sikurse ke privilegje, ke edhe kufizime dhe të duhet të heqësh dorë nga shumë gjëra. Lady Diana dhe Kate Middleton do të ishin të parat që do ‘’t’i nënshtroheshin’’ një ndryshimi rrënjësor për të qenë të denja për statusin e ri mbretëror.
E njëjta gjë po ndodh edhe me Meghan Markle, të cilës tashmë i duhet të heqë dorë nga karriera e saj si aktore dhe showgirl, shtëpia në Kanada, madje dhe nga qentë e saj, si dhe nuk do të shkruajë më në blogun ‘’TheTig.com’’, pasi sipas familjes mbretërore nuk është e hijshme për të. Por, mesa duket Meghan ka zgjedhur të vendosë edhe ajo ‘’rregullat e saj të lojës’’.
Për të rivendosur balancën në çifti, ajo i ka kërkuar Princ Harry-t gjithashtu të heqë dorë nga diçka në emër të dashurisë për të.
Sipas një burimi të afërt me çiftin, Meghan është shprehur se duhani është një zakon i dëmshëm për shëndetin e tij dhe i ka kërkuar që ta lërë . Kohët e fundit rezidencat mbretërore janë bërë “zona jo-duhanpirës”, përveç Clarence House.
