Dukesha e Sussex do të nxjerrë në treg një linjë të rrobash për femra, fitimet e të cilës do të shkojmë për bamirësi.
Meghan e zbuloi këtë super lajm në numrin e ri të revistës British Vogue, ku tha se ka bindur Marks & Spencer, John Lewis dhe Jigsaw – së bashku me shoqen e saj stiliste, Mischa Nonoo – të krijojnë një koleksion me veshje femrash.
Nga ky koleksion do të përfitojë Smart Works, një organizatë bamirësie që i ndihmon gratë të rikthehen në vendin e punës.
Smart Works, një ndër angazhimet e para të Meghan, i ndihmon gratë të bëhen gati për intervista duke u siguruar atyre një veshje të re dhe trajnim nga një ekip vullnetar.
Detaje të mëtejshme të linjës së veshjeve do të publikohen gjatë vjeshtës, sipas një zëdhënësi të dukeshës. Ky nuk është angazhimi i parë i Meghan në industrinë e modës.
Ndërsa punonte si aktore në serialin Suits në Toronto, para martesës së saj me Princin Harry, ajo kishte linjën e saj të veshjeve me Reitmans, me të cilin prodhonte veshje prej lëkure por jo kafshësh.
