Meghan Markle njihet për stilin e saj elegant dhe veshjet për t’u pasur zili, por një dalje publike e kohëve të fundit ngriti një pikëpyetje rreth zgjedhjes së saj për këpucët.
Gjatë paraqitjes në Royal Ascot, Dukesha e Sussex kishte veshur një fustan-këmishë të bardhë nga “Givenchy” dhe një palë këpucë të zeza lëkure – që dukeshin se kishin një madhësi shumë të madhe për këmbët e saj.
Megjithatë, sipas ekspertes së modës Harriet Davey, ky mund të jetë një vendim i qëllimshëm për t’u ndjerë sa më rehat.
“Të famshmit zakonisht i zgjedhin këpucët një numër ose dy më të mëdha kur janë në një event ose në tapet të kuq dhe kjo për një arsye që të gjithëve na shqetëson – për të shmangur fluskat”, tha Davey. duke shtuar se këmbët fillojnë të enjten pasi qëndron në këmbë për periudha të gjata kohore.
Megjithatë të gjithë e dinë se mund të jetë e vështirë të ecësh me këpucë që janë shumë të mëdha, kështuu që Davey zbuloi një tjetër truk:
“Një truk që përdoret gjerësisht është të futësh mbushje pambuku te gishtat e cila mund të nxirret jashtë sapo të ndiheni sikur keni nevojë për pak më shumë hapësirë në këpucët tuaja”.
Burimi: The Independent
