Dasma e Meghan Markle me Princ Harry-n tërhoqi vëmendjen e të gjithëve dhe në kujtesën tonë është fiksuar fustani i saj i nusërisë, “Givenchy” tepër elegant dhe i thjeshtë. Ndërkohë që u përfol se ky është fustani më i bukur i nusërisë deri më tani, 3 fustanet e blogeres Chiara Ferragni duket se e kanë sfiduar bindshëm.
Vetëm pak ditë më parë u mbajt dasma madhështore e blogeres Chiara Ferragni me reperin Fedez, e cila ishte e përmasave mbretërore dhe ka marrë me qindra komente. 3 fustanet “Dior” të Chiara-s kanë shkaktuar kaq shumë bujë mediatike dhe përflitet se është ndër më të bukurit që kemi parë ndonjëherë.
Nisur nga statistikat e publikuara, duke krahasuar ndikimin në media dhe audiencën përsa i përket fustaneve mes dasmës së Chiara Ferragn-it dhe Meghan Markle, ka rezultuar se njerëzit ishin dyfish më të interesuar për fustanet “Dior” se sa për atë “Givenchy” të dukeshës Kate.
Sipas “Daily Mail”, Ferragni i ka shtuar shtëpisë së modës “Dior” rreth 5.2 milion dollarë falë influencës që ka pasur vetëm duke veshur fustanet, të cilat i ka postuar vazhdimisht në llogarinë e saj të Instagram-it.
Përveç “Dior”-it, falë hashtagut #TheFerragnez, “Prada” dhe “Lancome” kanë fituar gjithashtu miliona dollarë.
Burimi: ELLE
