Cili dizajnues është zgjedhur për të krijuar fustanin e dasmës së Meghan Markle?
Kjo është pyetja më e madhe në botën e modës dhe një burim i brendshëm mbretëror mund ta ketë zbuluar përgjigjen.
‘Meghan ka zgjedhur Ralph & Russo’, pohon burimi.
Nëse informatori është i saktë, vendimi i nuses së princit Harry për të zgjedhur një markë britanike, do të jepte një nxitje të mirëpritur për industrinë e modës së këtij vendi.
Ralph & Russo ishte shtëpia e parë britanike e modës që u ftua në shfaqjet couture të Parisit.
Me çmimet që fillojnë nga 30,000 paund, kjo shtëpi mode do të sigurojnë kombinimin e pritur të elegancës mbretërore dhe magjisë së Hollivudit.
Ajo është e specializuar në veshjet e përpunuara me kristale, pupla, dhe shumë elegante.
Preferohet nga një listë e madhe të famshmesh si Beyonce dhe Gwyneth Paltrow. Ralph & Russo dizajnoi gjithashtu veshjen e Angelina Jolie, gjatë takimit të saj me Mbretëreshën në vitin 2014.
Edhe Rita Ora u vesh me Ralph & Russo në Brit Awards.
Meghan, 36, tashmë ka treguar simpatinë e saj për krijimet e bëra me dorë, duke veshur një fustan të guximshëm transparent në fotografitë e saj zyrtare të fejesës. Jemi të sigurt që zgjedhja e saj nuk do të na zhgënjejë.
