Meghan Markle dhe Princ Harry do të bëhen prindër për herë të parë dhe e gjithë bota është e entuziazmuar për këtë lajm. Por të gjithë kemi në këto momente 1 milion pyetje që na vijnë në mendje, për të cilat duam përgjigje. Disa prej tyre, përveç gjinisë, do t’i gjeni në këtë shkrim.
Si ia dha çifti lajmin familjes mbretërore?
Nuk jemi vetëm ne që e mësojmë tani lajmin e shtatzënisë së Meghan Markle, pasi dhe familja mbretërore e mori vesh vetëm 3 ditë më parë. Duka dhe Dukesha e Sussex i dhanë familjes mbretërore lajmin për shtatzëninë e Meghan tre ditë më parë, në dasmën e Princeshës Eugenie dhe Jack Brooksbank.
Çifti mori pjesë në ceremoninë bashkë me anëtarë të tjerë të familjes, ndërsa ditën e sotme arritën në Sidnej për të nisur një turne 16-ditor, që do të përfshijë Australinë, Zelandën e Re, Fixhin dhe Tongën.
Sa muajshe është Meghan?
Në njoftimin zyrtar shkruhet se, Meghan do ta mirëpresë fëmijën e saj të parë në pranverën e 2019-s. Sipas përllogaritjeve, Meghan duhet të jenë në tremujorin e dytë, pasi mësohet se ka kaluar kontrollin e javës së 12-të. Ata do të bëhen prindër mes muajve mars dhe prill.
Si do të quhet?
Foshnja që do t’i shtohet familjes mbretërore do të ketë mbiemrin Sussex. Por nëse çifti do të mirëpresë një vajzë, ajo nuk do të marrë titullin “Dukeshë”, por atë “Lady” (Lady –emri i parë- Mountbatten-Windsor).
Që vajza të mbartë titullin Dukeshë duhet që të martohet me një Dukë. Gjithashtu edhe nëse foshnja që do të lindë është djalë nuk do të quhet Princ, por me titullin “Earl of Dumbarton”.
Gjërat mund të ndryshojnë vetëm nëse Mbretëresha ndryshon rregullat.
I sati është në radhë për fronin?
Fëmija e Meghan dhe Harry-it do të jetë i shtati në radhë për fronin e Britanisë së Madhe. Ai ose ajo renditet pas Princit Harry.
Kush do të kujdeset për foshnjën?
Burime pranë familjes mbretërore kanë thënë se, nëna e Meghan do të zhvendoset nga Amerika në Londër, për të ndihmuar vajzën me nipin apo mbesën. Meghan nuk do që të punësojë ndihmëse pasi të lindë foshnja.
