Disa thashetheme po qarkullojnë për Megan Fox, ku thuhet se aktorja është shtatzënë. Dyshimet lindën pasi Machine Gun Kelly i kushtoi një këngë asaj në “Billboard Music Awards 2022” në Las Vegas.
Ndërsa performonte në skenën e “MGM Grand Garden Arena” të dielën, reperi 32-vjeçar i ra kitarës dhe i kushtoi një pjesë të këngës fëmijës së tij të ardhshëm me të fejuarën e tij, të cilën ai tashmë e quajti: “Gruaja ime”.
“Unë e shkrova këtë këngë për gruan time”, tha ai. Vetëm pak më vonë, ai shtoi: ‘Dhe kjo është për fëmijën tonë të palindur”.
“E shkrova këtë këngë dy vite më parë…”, tha ai duke shtuar se koha e bën atë edhe më të përshtatshme për ta kënduar: “Është vërtet mirë sepse është një eklips hënor sonte. Është një hënë e plotë. Ndërkohë është ditëlindja e saj nesër”.
Ndërsa qëndronte në krah të tij, Megan tha se kënga mund ta emociononte atë teksa do e dëgjonte, pasi ka “një kuptim të veçantë dhe mjaft sekret”.
Mirëpo, a po planifikon dyshja të kenë një fëmijë?
Ndonëse kjo nuk është hera e parë që ai i referohet Fox si bashkëshortja e tij, ata nuk kanë lënë të kuptohet më parë se mund të jenë në pritje të një fëmije.
