Ajo është përjashtuar nga filmi “Transformes” në 2011-n, pasi arriti në kulmin e famës me rolin e saj në dy seritë e mëparshme në 2007-n.
31-vjeçarja Megan Fox ka treguar se është penduar për sjelljen që u bë shkak që ajo të largohej nga projekti, duke e përshkruar si periudhën më të keqe në karrierën e saj.
Megan, e cila është martuar me aktorin Brian Austin Green, 44 vjeç, që prej vitit 2010, ka folur gjithashtu edhe për marrëdhënien dhe se hoqën dorë nga divorci pasi zbuloi që ishte shtatzënë me fëmijën e tretë.
“Ishte absolutisht pika më e ulët e karrierës sime. Por pa “atë situatë” nuk do të kisha mësuar aq shpejt sa bëra. E vetmja gjë që duhet të bëja ishte të kërkoja falje dhe unë refuzova. Isha shumë e vetëkënaqur, nuk e kuptoja që ishte për të mirën time. Vërtet mendoja se isha Joan of Arc”, tregon ajo për revistën “Cosmopolitan”.
Megan u lidh me Brian në 2004-n, pasi u takuan në xhirimet e filmit “Hope & Faith”, kur ai ishte 30 vjeç dhe ajo ishte 18 vjeçe. Ata u martuan më 24 qershor të 2010-s.
“Nëse doni që lidhja të zgjasë, vetëm duhet të duroni. E di që karma ime nuk ka përfunduar. Ne nuk jemi plotësisht në kontroll të saj. Dhe ai është shumë donzhuan”, shpjegon ajo.
Burimi: Daily Mail
