Këngëtarja shqiptare, Era Istrefi na surprizoi të gjithëve me lajmin më të fundit se do të jetë pjesë e këngës zyrtare të Kampionatit Botëror. Ajo do të këndojë se bashku me Will Smith dhe Nicky Jam himin e Botërorit 2018-të dhe tashmë kanë nisur edhe xhirimet e klipit.
Një lajm ky që ka bërë krenarë gjithë shqiptarët dhe që është përhapur me shpejtësi, jo vetëm në mediat shqiptare, por edhe më gjerë. Mirëpo një shkrim i mediave serbe i ka befasuar të gjithë.
Ato nuk e kanë pritur aspak mirë pjesëmarrjen e Erës në këtë këngë dhe për këtë kanë bërë një artikull ku kanë shkruar rreth këngës së saj të mëparshme, “E dehun”, e cila është xhiruar në kishën Ortodokse të Serbisë. Në këtë klip këngëtarja shqiptare shfaqet gjysmë e zhveshur dhe ky është cilësuar nga gazeta “Blic” si një provokim.
“Ajo synon me anë të paraqitjeve provokative të tërheq vëmendjen ndërkohë që para 4 vitesh është akuzuar për shkak të klipit kontrovers të këngës ‘E dehun’ në të cilin gjysmë e zhveshur vallëzon në tempullin e kishës Krishti Shpëtimtar”, ka shkruar “Blic”.
Ndërkohë pritet që FIFA do ta prezantojë himnin e Botërorit 2018 më 25 maj.
