Anxhela Meçani është shqiptarja që mbeti e vdekur mbrëmjen e së shtunës në Itali, e cila pasi u dhunua keq, është hedhur nga një makinë në një rrugë në Torino. “La Repubblica” shkruan se 18-vjeçarja shqiptare ishte punëtore seksi në qytetin e Torinos. Sipas medias italiane, dyshohet se ajo është eliminuar nga organizatat mafioze ose është ndeshur me klientin e gabuar atë natë.
Mirëpo burime pranë “JOQ” shkruajnë se Anxhela nuk ishte punëtore seksi, por ishte në një lidhje dashurie me një djalë të pasur në Torino.
“Ajo nuk ishte prostitutë, thjesht kishte një të dashur më duket. Kishte 2 vite a diçka e tille që ishte shpërngulur në Itali dhe ishte fierake me origjinë dhe i përkiste komunitetit rom.”-është shprehur burimi.
Anxhela Meçani nuk ka mundur t’i mbijetojë plagëve të marra nga dhuna në makinë dhe ka humbur jetën. Sipas mjekëve, mjafton vetëm trauma nga rënia nga makina për ta vrarë, para se të rrihej në mënyrë brutale. Mbrëmjen e të shtunës, e ndjera u gjet në asfalt nga një shofer që ka kaluar aty.
