Xhesi Muçaj ka qenë e ftuar mbrëmë në emisionin “Glamour Zone” me Ester Bylykun, ku ka folur për foton e famshme me djalin e kryeministrit Edi Rama që bëri bujë në portale për faktin se u publikua në ditën e Shën Valentinit.
Moderatorja tha se Gregun e respekton shumë pasi është mik i saj. Ajo tregoi se me të është njohur përmes shoqërive të përbashkëta, dhe se atë natë që realizoi foton ishin të gjithë single.
Shkurt, duke mos e vënë re aspak që ishte 14 Shkurti, Xhesi tha se kishte dalë të festonte me shoqërinë. Madje ajo vendosi fjalën “bestie” në foto për të mos pasur keqkuptime por, ja që pati!
“Unë me Gregun jemi miq shumë të mirë do të thoja, duke qenë se kemi shumë miq të përbashkët, ky ka qenë fakti pse ne kohet e fundit jemi bërë shumë miq. Në fakt ne jemi të gjithë single në atë grupin shoqëror tani që po e mendoj. Kishim dalë të gjithë për 14 Shkurt, duke mos e pasur mendjen fare që ishte 14 Shkurti, dhe duke qenë në një lokal që nuk kishte njerëz që festonin 14 Shkurtin.
Për të mos aluduar njerëzit, unë shkrova në anglisht “bestie”, që në shqip do të thotë shok shumë i mirë. E postova por ndoshta ngaqë ishin orët e vona, nuk e mendova gjatë “.
https://www.instagram.com/p/B6Yqo9cgRYn/
Më pas ajo u shpreh se tani e tutje do të shohim më shumë foto të saj me Gregun, thjesht sepse janë miq shumë të mirë:
“Ju lajmëroj të gjithëve që do të shikoni shumë foto të miat dhe të Gregut sepse mbetet dhe do të jetë një shok shumë i mirë dhe nuk ka asgjë mes nesh. E respektoj shumë dhe kur ne jemi të gjithë në tavolinë me të, askush nuk e mendon që është djali i kryeministrit. Është thjesht Gregu për ne, është një djalë i mrekullueshëm”.
