Këngëtarja me origjinë shqiptare Eleni Fouriera mbërriti ditën e sotme në Athinë ku u prit si heroinë. Fansat e saj të shumtë dhe gazetarët kishin dalë ta prisnin në aeroport Elenin për t’i marrë impresionet e para për eksperiencën e saj në Eurovizion.
Këngëtarja shqiptare tha gjatë intervistës se u mërzit pak pasi ishte shumë afër fitores, por pavarësisht kësaj ajo ndihet shumë krenare për veten, por dhe për Qirpron që arriti të ishte ballë për ballë me një shtet të fuqishëm si Izraeli.
Eleni u pyet nga gazetarët edhe për faktin se si është ndjerë kur atdheu i saj, Shqipëria i dha 10 pikë ndërsa 12 pikët shkuan për Italinë. Kjo pyetje për këngëtaren me origjinë shqiptare erdhi menjëherë pasi ditën e djeshme mediat greke akuzuan Shqipërinë si fajtoren kryesore të mos triumfimit të saj.
Mirëpo përgjigjja e Elenit pas kësaj pyetjeje i ka habitur të gjithë.
“Më dhanë 10 pikë, çfarë do të thuash me këtë? Me dhanë 10 pikë, ishim tre shqiptar pikët duhet të ndaheshin në një mënyrë, njëri do merrte 12 tjetri 10, vetëm për arsye patriotike dhe unë i falënderojë nga zemra shqiptarët sepse kur pash 10 pikët u gëzova jashtëzakonisht shumë”, u shpreh këngëtarja me origjinë shqiptare për mediat greke.
