Fitorja e Zvicrës kundër Serbisë ishte një triumf i dyfishtë për të gjithë shqiptarët.
Dy shqiptarët, Granit Xhaka dhe Xherdan Shaqiri, bënë krenarë mbrëmë gjithë bashkatdhetarët, pasi mposhtën Serbinë dhe bënë simbolin e shqiponjës me duar.
Për ndeshjen shkruan edhe një nga mediat më të lexuara në Zvicër, 20min.ch, në artikullin me titull: “Dy djemtë e Kosovës rrëzojnë përtokë Serbinë”.
Më pas artikulli shkruan se Xherdan Shaqiri nuk është një futbollist i zakonshëm, ndërsa thekson se fitorja ishte me shumë rëndësi për të. Xherdan Shaqiri shënoi golin e dytë dhe atë të fitores në minutë e ’90, për të vijuar më pas përshkrimin teknik të ndeshjes.
Ishte skuadra serbe ajo që shënoi e para në minutën e pestë, rezultat i cili u barazua më pas nga Granit Xhaka në minutën e 55-të.
