“Independent” ka përhapur alarmin sot me një artikull kushtuar gjuetisë së kafshëve të egra në Shqipëri, pas publikimit të një fotoje të një restoranti në Drilon që ofron gatime me mish ariu.
Media britanike shkruan se tregtia e jashtëligjshme të jetës së egër në Shqipëri është “jashtë kontrollit” në vend.
“Studiuesit thanë që ishte hera e parë që ata kishin parë mish ariu të gatuar në Evropë, dhe ekspertët paralajmëruan se mishi i papërpunuar i kafshëve mund të çojë në shpërthim të sëmundjeve siç është koronavirusi. Arinjtë, majmunët dhe zogjtë grabitqarë janë ndër kafshët e gjalla që shiten në vendet e njohura të tregut online në internet, duke rritur frikën për mbijetesën e disa specieve në vend”, shkruan mes të tjerash artikulli.
Shoqata e Mbrojtjes së Kafshëve, 4 Putrat, zbuloi se dy nga faqet kryesore në internet të Shqipërisë po ekspozonin dhjetëra reklama duke shitur arinj dhe specie të tjera që mbrohen me ligj.
Shumë fotografi të kafshëve – si dhelpra, bufë dhe ujqër – i shfaqnin ato me gojët e tyre të mbyllura ose të lidhura me zinxhirë në kafaze.
“Është një biznes fitimprurës: një majmun i vogël ofrohet për 750 € (675 £), dhe një buf, një këlysh ariu dhe një ujk për 500 € secili”, shkruan “Independent”.
Media vijon më tej dhe shkruan se blerësit janë kryesisht pronarë restorantesh dhe hotelesh, të cilët i mbajnë kafshët për të tërhequr turistë, ose individë që duan kafshë shtëpiake. Shqiponjat, simboli kombëtar i Shqipërisë, janë veçanërisht të njohura dhe shpesh gjenden të balcamosura si trofe në vendet publike.
Një zëdhënës nga Shoqata e Ruajtjes dhe e Mbrojtjes së Mjedisit Natyror në Shqipëri (PPNEA) tha: “Ajo që është veçanërisht alarmante për këtë nuk është vetëm fakti që mishi i ariut po shitet, por është edhe fakti që shitet “në sezon”, që jep përshtypjen se ka një sezon gjuetie për arinjtë”:
“Në fakt nuk ka sezon të gjuetisë për ndonjë kafshë të egër në Shqipëri, ekziston një moratorium gjuetie dhe ndalimi i gjuetisë për vite me radhë në të gjithë vendin – kaloi në 2014, u zgjat në 2016 deri në mars 2021”.
Mishi i ariut është parë më parë të shitet në vendet aziatike. Mishi mund të sjellë sëmundje të shkaktuara nga parazitët, me simptoma si diarre, ngërçe, ethe dhe halucinacione.
Prof James Wood, drejtor i departamentit të mjekësisë veterinare dhe një ekspert i infeksionit në Universitetin e Kembrixhit, tha që Covid-19 dhe viruse të tjera mund të barten nga mishi i kontaminuar nga çdo specie.
“Sidoqoftë, rreziqet janë shumë më të mëdha nga gjuetia sesa nga konsumimi i thjeshtë”, tha ai.
