Ende pa shijuar si duhet suksesin e klipit të saj më të fundit me Jay Santos, “Locos”, Luana Vjollca ka nisur punën për projektin e ri.
Moderatorja e njohur ka shkuar në Prishtinë bashkë me motrën Marina dhe ka nisur atje punën me producentin e njohur Bini Nebhiu i DIEZ Music.
Luana shfaqet e veshur mjaft chic me një kostum në ngjyrë bezhë teksa pret të dëgjojë me siguri një tjetër këngë që do të kthehet në hit.
Ajo ka vetëm pak ditë që ka publikuar bashkëpunimin ndërkombëtar “Locos” me këngëtarin latin Jay Santos që rezultoi të ishte një sukses për moderatoren.
Luana gjithashtu po punon për t’u rikthyer shumë shpejt në ekran me emisionin e saj “Shiko Kush Luan”, që do të vijë me një sezon të ri dhe të ftuar interesantë.
