Copëtimi gjeografik i trojeve shqiptare më 1913 solli pasoja të shumta politike, sociale dhe ekonomike, por fatmirësisht nuk ia doli të ndajë shqiptarët.
Sot dhe në çdo 28 nëntor tjetër, shqiptarët kudo ku ndodhen festojnë me kokën lart dhe nuk e fshehin krenarinë për origjinën e tyre.
E njëjta gjë vlen edhe për artistët me famë botërore, njëra prej tyre Rita Ora. Ajo nuk ka harruar të urojë në rrjetet sociale të gjithë shqiptarët.
Rita ka postuar dy foto, ku shihet se ka veshur çizme të kuqe me shqiponjë, dhe videon nga koncerti i saj në Kosovë duke kërcyer vallen e Rugovës.
URIME DITA E FLAMURIT!!!! #28Nëntori Gëzuar ditën e Pavrësisë #Albania Faleminderit fansave të mi të mrekullueshëm për këtë video. Ju dua???”-ka shkruar ajo krah videos.
Kaq ka mjaftuar që fotot e saj të bëjnë xhiron e rrjetit dhe të marrin mijëra komente nga shqiptarët në mbarë botën, të cilët sot i ka bashkuar kjo festë.
Më herët ditën e sotme edhe Dua Lipa uroi në shqip para gjithë botës të gjithë shqiptarë.
Dua ka postuar një foto ku shfaqet duke valëvitur në krahë flamurin kuq e zi, ndërsa krahas saj ka shkruar në shqip:
“28 NËNTORI!!! DITA E FLAMURIT!!! Krenare që jam shqiptare! Gëzuar ditën e pavarësisë!”
