Në ndryshim nga VIP-at e tjerë me urime për Vitin e Ri me foto familjare apo me fjalë të ëmbla, Mozzik ka uruar të gjithë në një mënyrë shumë origjinale.
Në hyrje të vitit 2023, edhe reperi është ndaluar një moment për t’i thënë diçka fansave të tij. Përpos fjalëve klishe për më shumë fat dhe dashuri në këtë vit të ri, Mozzik ka lënë një mesazh të rëndësishëm edhe për shoqërinë.
“Urime njerëz ky fillim viti, paçi shëndet e të mira. Fokusohuni në punë, dashuri dhe lekë. Mbani shoqëri mos u bëni p*** se jeta është e bukur,”-shkruan Mozzik.
Më herët brenda shtëpisë së “BBVK” Getinjo solli historinë e Mozzik dhe Loredanës. Ai ju drejtua asaj akoma si gruaja e Mozzik, duke shtuar se atë e kishte tërhequr vëllai i saj në tregun gjerman.
Loredana dhe Mozzik kanë edhe një vajzë, Hanën e cila pak ditë më parë mbushi 4 vjeç.
Kujtojmë që ish-çifti i dha përfundimisht fund lidhjes pas ribashkimit verën e 2021. Loredana shkruante se duhen shumë por janë dy kokëfortë dhe nuk mund të rrinë me njëri-tjetrin prej kësaj.
Por teksa të gjithë po shpresonim për një ribashkim të tretë të tyre, Loredana tregoi edhe problemet që ajo kishte me Mozzik. Reperja gjithashtu zbuloi se nuk ka asnjë kontakt me të.
