Na duhet mjaft kohë që të gjejmë çantën ideale, ndërkaq mënyra se si e mbajmë flet shumë për ne. Qoftë kur mbani çantën mbi supe, në duar apo nuk e mbani fare, ekspertët e të folurit të trupit theksojnë që në atë mënyrë zbulojmë diçka për veten. Shikoni se cila nga mënyrat që e mbajmë çantën çfarë flet për ne.
Çanta mbi supe dhe pranë trupit
Ju jeni praktike dhe ju duhet verifikimi i të tjerëve që jeni person i besueshëm. Nuk dëshironi të shpenzoni kohën tuaj në gjëra të parëndësishme, keni nevojë që të jeni person i mençur në publik dhe vazhdimisht kujdeseni për veten. Nëse shtrëngoni çantën për trupi derisa e bartni tregon frikën, mungesën e vetëbesimit apo shqetësimin në mos dikush t’ju plaçkitë.
Çanta lirisht bie mbi supe
Ju jeni spontane, e shkujdesur dhe pranoni jetën ashtu siç është. Njerëzit ju njohin si njeri me vetëbesim dhe besnik. Nuk çani kokën për markat dhe brendet, stili juaj është funksional dhe i lirë.
Çanta e varur në dorë
Vazhdimisht kujdeseni për statusin dhe pozicionin, por jo rrallë kështu theksoni markën e çantës të cilën e bartni. Zakonisht kështu mbahen çantat e mëdha, prandaj kjo është një shenjë që dëshironi të tërhiqni vëmendjen. Mbajeni çantën me krenari dhe kjo ju jep ndjenjë superioriteti.
Çanta në dorë
Njerëzit ju shohin si mirë të organizuar dhe person të suksesshëm. Njerëzit të cilët e mbajnë kështu çantën dëshirojnë të tërheqin vëmendjen në veshjen e tyre. Para vetes. Nëse mbani çantën me të dy duart para vetes atëherë tregoni që jeni e turpshme dhe keni nevojë që të mbroheni. Është e mundshme që vuani nga anksioziteti dhe dëshironi që të qëndroni anash.
Çanta e kryqëzuar përpara trupit
Dëshironi që të ecni lirisht, por që sërish mund të mbroni çantën tuaj dhe që vazhdimisht ta keni pranë vetes. Mbajtja e tillë e çantës ju mundëson që të ecni lirisht në mes të turmës së njerëzve dhe është e zakonshme edhe për njerëzit të cilët jetojnë në qytete të mëdha.
Çanta e kryqëzuar pas shpine
Ju jeni e qetë dhe kështu tregoni që u besoni të tjerëve. Shëtisni me mendje të hapur dhe me qëllimin e qartë, ndërsa çanta ju është vetëm shfaqje e pavarësisë suaj. Nuk dëshironi të ngarkoheni me gjërat që i bartni.
Çantë shpine
Njerëzit të cilët mbajnë çantë shpine janë të pavarur dhe dëshirojnë të kujdesen për veten dhe për të tjerët. Derisa t’ju jetë liria e nevojshme, ju dëshironi të jeni të gatshme ndaj çdo situate të mundshme. Besoni në jetë të shëndetshme, nuk çani kokën se çka mendojnë të tjerët për ju dhe jeni krenare për veten që mund t’ia dilni vetëm.
Nuk mbani fare çantë
Nëse nuk mbani çantë, atëherë mbështeteni te të tjerët që t’ju bartin gjërat. Jeni ballafaquar aq shumë sa që mbajtja e çantës vetëm mund t’ju pengojë. Kjo mbase do të thotë që aq shumë e doni lirinë sa që nuk dëshironi që asgjë t’ju ngarkojë. Jeni shumë e sigurt në atë që jeni dhe dëshironi që dikush t’ju konsiderojë ashtu siç jeni, jo të gjykojë për ju në bazë të asaj që bartni.
