Nëse do t’ia nisësh nga fillimi, ndrysho flokët. Këtë shprehje e kemi dëgjuar prej kohësh.
Disa femra mund të ndryshojnë të gjitha gjatësitë e flokëve në jetën e tyre nëse kanë karakter të tillë, ndërkaq të tjerat, megjithatë, siç është redaktorja e “Vogue”-s, Anna Wintour tërë jetën do të mbajnë të njëjtën model.
Mësoni se çfarë do të thonë flokët tuaj për ju!
Flokët shumë të shkurtër
Keni vetëbesim, jeni e shoqërueshme, e këndshme dhe gaztore. Ju e keni shumë lehtë të gjeni miq të rinj. I doni punët në të cilat inteligjenca juaj gjen shprehje. Problemet i zgjidhni në mënyrë të qetë dhe të sinqertë.
Flokët bob mbi supe
Jeni të sinqerta dhe e thoni të vërtetën, madje edhe kur ajo është e dhembshme. Mirë e balanconi jetën private dhe afariste. Nuk keni frikë nga asgjë dhe organizoheni mirë. Nuk e duroni rutinën, nuk keni komplekse dhe i doni përvojat e reja.
Flokët lob në gjatësi deri tek supet
E doni dukjen elegante, të sofistikuar dhe femërore. Keni dëshirë të flakët të bisedoni, ndërkaq bukuria juaj natyrale i josh të gjithë në rrugën tuaj. I doni sfidat dhe projektet e reja, ndërkaq specialitet juaj janë miqësitë e gjata.
Flokët të gjatë
Jeni të kujdesshme dhe ëndërrimtare e durueshme. Në dashuri kërkoni lidhje afatgjatë dhe jepni çdo gjë nga vetja, por jeni shumë të kujdesshme dhe kërkuese me rastin e zgjedhjes së partnerit. Luftoni për ëndrrat tuaja dhe i arrini që të gjitha.
