Protestuesi më i veçantë i protestës së sotme që nisi para kryeministrisë, ishte Dilaver Nela.
54-vjeçari nga Laçi ka gjetur një formë të veçantë të protestës, duke përdorur 3 tepsi, për të përshkruar situatën politike në vend sipas mënyrës së tij.
“S’ka Shqipëri, ka 3 tepsi”, thuhet në pankartën e tij, ndërkohë që mbi kokë mban 3 tepsi, ku ka shënuar emrat e 3 partive kryesore në vend, PS, PD dhe LSI.
“Shqipërinë duhet ta bëjnë ndërkombëtarët. Neve nuk na përfaqëson askush”, u shpreh 54-vjeçari.
Fillimisht protesta nisi me një rrethim simbolik të Kryeministrisë, për të vijuar më pas me protestën e dhunshme para parlamentit, ku policia ndërhyri disa herë me gaz lotsjellës dhe ujë për të shpërndarë turmën.
