Në janar të këtij viti, Almeda Abazi zbuloi përmes një postimi shumë të ëmbël përkrah bashkëshortit të saj, Tolgahan Sayisman, se do të bëhet sërish nënë.
Aktorja zgjodhi tre poza për të dhënë lajmin e bukur, ku shfaqej me partnerin në kopshin e shtëpisë dhe mbante me dorë barkun tashmë të rrumbullakosur.
“Bebushi numër dy po vjen. Mezi po pres të të takoj, i vogli/e vogla!”, shkroi Almeda.
Nuk ka vonuar shumë dhe aktorët kanë zbuluar edhe gjininë e bebushit numër dy, në një festë të vogël që kanë organizuar në shtëpi.
Ata kanë hapur një kuti ku ishin rrobat foshnjeje, ndërsa ngjyra e kuqe i ka treguar atyre se po bëhen me vajzë!
Barku i Almedës po rritet dita-ditës dhe tashmë trupi i aktores ka ndryshuar shumë.
Almeda mundohet të na mbajë sa më shumë të update-uar me jetën e saj të përditshme, ndërsa duket se së fundmi është bërë nostalgjike.
Ajo ka publikuar një foto të vjetër të sajën nga fëmijëria, ku duket shumë e ëmbël! Në fakt, vogëlushja e saj mund të duket kështu!
Megjithëse ende s’ka lindur, Almeda e ka vendosur që bebushja e saj do të quhet Alina.
Aktorja dhe partneri i saj turk, Tolgahan, janë gjithashtu prindër të vogëlushit Efehan.
