Reperi i njohur për videot e tij të ‘Tik-Tok’, Kleviol Ahmeti është arrestuar në Rinas. Ndalimi i tij nga forcat e policisë u bë pas një denoncimi të reperit Rigels Rajku, ose ndryshe Noizy. Sipas denoncimit, Ahmeti e ka përndjekur Noizyn, duke i shkaktuar gjendje ankthi dhe frike.
Noizy e ka bërë denoncimin me 13 Prill, së bashku me të atin, Bashkim Rajku, duke theksuar se Clevio e ka kërcënuar në TikTok se do e vrasë.
Ndalimi i Cllevios nga Policia është bërë sot rreth orës 01:00 nga Shërbimet e Komisariatit të Rinasit.
‘Lufta’ mes tyre ka nisur në rrjete sociale, ku secili prej tyre tregonte forcën me sharje, fyerje e ironi për njëri-tjetrin. Disa muaj më parë, ata kanë pasur edhe një sherr fizik në lokalin e Rigels Rajkut, ç’ka u pasua edhe me një arrestim të Kleviol Ahmetit në korrik të 2022. Por, pasi la qelinë dhe iu caktua masa “Arrest shtëpie”, Ahmeti rifilloi atë që kishte lënë pezull jashtë, duke vijuar kërcënimet dhe sharjet në rrjete sociale ndaj Noizyt.
