Nëse jeni duke kërkuar dashurinë, strategjia e qartë është që të vazhdoni të dilni me sa më shumë meshkuj, me shpresën që t’i jepni vetes shanset më të mira për të gjetur dikë me të cilin të përputheni.
Në fund të fundit, është e rrallë të takoni një person me të cilin t’ju ecë biseda, të keni tërheqje seksuale, që ju trajton mirë, ndan vlerat tuaja dhe që ju me të vërtetë e dashuroni.
Megjithatë, sipas ekspertëve kryesorë të marrëdhënieve, të dalësh në shumë takime, në fakt mund t’ju pengojnë shanset tuaj për të gjetur të duhurin.
Në të vërtetë sa më shumë të dilni nëpër takime, aq më të pangopur dhe të pakënaqur do të ndiheni.
“Në vend që të përqendroheni te dikush që mund të jetë një mundësi e shkëlqyer, do të mendoni për takimet e ardhshme”, shpjegoi Preece për The Independent.
Ai këshillon se më shumë se dy takime në javë, janë shumë.
Sipas matematicienes Hannah Fry, ju duhet të refuzoni 37 për qind të njerëzve që takoni në fillim, për t’i dhënë vetes shansin më të mirë për të gjetur ‘të duhurin’. Natyrisht, kjo është e pamundur të vihet në praktikë, sepse askush nuk e di sesa njerëz takon gjatë jetës.
“Nëse doni të dilni me një person dhe kjo gjë doni të jetë afatgjatë, duhet të hiqni dorë nga takimet e tjera pasi nuk do t’ju lejojnë ta njihni shumë mirë atë person”, thotë psikologja Madeleine Mason Roantree për The Independent.
