Muaj më parë kudo në media përflitej për debatin virtual që ndodhi mes Encës dhe Rosela Gjylbegut.
Kjo e fundit kur ishte e ftuar në emisionin “Shiko Kush Luan” iu përgjigj një pyetjeje duke deklaruar se nuk do bashkëpunonte kurrë me Encën dhe e gjitha kjo përshkallëzoi në deklarata nga më të ndryshmet dhe ofendueset.
Po ashtu herë pas here ka pasur thumbime edhe me Olti Currin dhe lidhur me marrëdhëniet me dy personazhet publikë ditën e sotme këngëtarja ka folur troç në emisionin “Rreze Dielli”.
“Jam munduar në maksimum, e para të mos kem konflikte me njerëzit, nuk jam natyrë konfliktuale. Tani ka njerëz që të bien në qafë, po patjetër. Më ranë në qafë, kurrë si kam rënë askujt në qafë, tek të dy rastet. Por akoma nuk kemi mbërrit te pajtimi i gjaqeve. Unë mendoj që përgjigjen e dha vetë publiku. Unë nuk kam për çfarë të komentoj asgjë më shumë, asgjë më pak “, është shprehur Rosela.
Ajo ka folur gjithashtu për tregun muzikor në Shqipëri duke pohuar se nuk funksionon e drejta e autorit dhe tregu në përgjithësi.
“Ti çdo gjë e bën vetë, paguan vetë, nuk të kthehet asgjë mbrapsht. Artistët shqiptarë për të jetuar duhet patjetër të punojnë ose klubeve, ose duhet të merren me evenimente, dasma, sepse është e pamundur. Kjo është e kushtëzuar”, pohoi këngëtarja. /gazetaexpress.com
