Videot e tyre duke festuar bashkë në club, bënë bujë në fund të vitit 2018.
Në tetor 2018, miliarderi Iranian Sasha Sobhani publikonte video dhe foto duke u dëfryer me këngëtaren Fjolla Morina, gjatë vizitës së tij në Kosovë.
Ai kishte vetëm pak kohë që ishte ndarë nga Morena Taraku dhe shoqërimi me Fjollën u pa si një provokim.
Por kjo “shoqëri” nuk zgjati shumë dhe Fjolla i prishi raportet me Sashën. Këtë e tregoi edhe sot në emisionin e Rudina Magjistarit, kur u pyet çfarë mendimi kishte për të.
Këngëtarja po luante lojën me emoji në emision, dhe pas çdo fotoje që shfaqej në ekran ajo duhej të bënte një reagim. Kur u shfaq fotoja e miliarderit iranian, Fjolla nuk duroi dot.
Ajo e shau ate dhe regjisë iu desh që ta censuronte fjalën që tha këngëtarja, e cila më pas kërkoi falje publikut.
Fjolla nxori edhe emojin e m*tit për të përshkruar Sashën dhe kjo u prit me humor nga moderatorja.
Disa muaj më parë në emisionin “Zonë e Lirë”, këngëtarja shqiptare tregoi se e kishte takuar vetëm një herë miliarderin, të cilin e quajti mashtrues.
Nuk e dimë se përse u prishën raportet mes tyre, por tashmë presim një reagim nga Sasha.
/Iconstyle.al
