Pas lajmit për ndarje nga Selena Gomez, Justin Bieber u shfaq në publik për të mbështetur shokun e tij në premierën e filmit, “Midnight Sun” në Los Angelos.
Këngëtari dhe Patrick Schwarzenegger, i biri i Arnold Schwarzenegger, ndjekin meshën në të njëjtën kishë.
Por ajo që na ra në sy nga fotot e publikuara, ishte se Justin e kishte lënë veten shumë pas dore. Ylli 24-vjeçar nuk ishte veshur aspak në përputhje me eventin.
Me flokët e pakrehur, puçrrat në fytyrë dhe një bluzë që lexonte ‘Frikë nga Perëndia’, këngëtari kanadez, linte për të dëshiruar me pamjen e tij.
Në të vërtetë, u duk se Justin ishte ende “në zi” për ndarjen e tij të fundit nga ish-e dashura Selena Gomez.
Edhe pse ende nuk është e qartë se çfarë e shkaktoi ndarjen, një burim i afërt me familjen tha për Us Weekly: ‘Selena dhe Justin vendosën të bëjnë një pushim kryesisht për shkak të nënës dhe mosaprovimit të saj për Justin’.
Familja e Justin e do Selenën, por familja e Selenës e ka vënë atë në një vend shumë të kundërt, sepse ende nuk i besojnë Justin-it. Selena është përpjekur të bindë familjen e saj se Justin ka ndryshuar … por familja nuk e beson.
Çifti u rikthyen vjeshtën e kaluar, pas ndarjes së Selenës nga reperi The Weeknd në tetor.
