Kidës i mjaftuan vetëm bashkëpunimet me Mozzik, “PP” dhe “Kërkun”, që të kthehej në kryefjalën e verës, sidomos pas super suksesit që projekti i parë arriti, duke u bërë klipi më i klikuar i verës, me 27 milionë klikime.
Megjithatë, Kida na tregoi se ka ende plot energji për pjesën e mbetur të verës dhe ka gati edhe një këngë të re, e cila pritet të vijë si një tjetër bombë këto ditë.
Një këngë ritmike dhe plotë adrenalinë e xhiruar në bregdetin shqiptar dhe me protagoniste disa nga femrat më seksi, si Kejvina Kthjella, Megi Pojani dhe Arta Elezaj pritet të publikohet së shpejti.
Ditën e sotme Kida ka publikuar një video në Instagram, ku shfaqet me skuadrën e saj duke kënduar një pjesë nga kënga.
“Edhe sa sa sa?”, ka shkruar Kida në mbishkrim duke lënë të kuptohet se kënga mban të njëjtin titull, megjithatë na duhet të presim derisa të publikohet për ta vërtetuar.
Deri tani nuk ka ende një datë për publikimin e këngës por ne mezi po presim.
