Në fund të javës që lamë pas Butrinti publikoi një video në Instastory ku shihet në studio duke kërcyer teksa ka shkruar: “Mood, kur pe nij next song!”
Pra, përveç faktit se këngëtari po sjell një këngë të re kuptuam edhe se bëhet fjalë për një këngë ritmike dhe menjëherë na shkoi mendja te projekti që modelja Dorina Gegiçi ia zbuloi në verë, por nuk u publikua.
Nëse ju kujtohet bukuroshja bjonde postoi një video në gusht, duke kërcyer nën tingujt e këngës së re të Butrintit, duke na lënë të kuptohet se do jetë pjesë e klipit.
E teksa ne prisnim me padurim publikimin e saj duket se momenti ka ardhur pikërisht tani. Autori i hitit “Xhanëm” ka publikuar disa foto në Instagram, duke i shoqëruar me vetëm një fjalë ‘Phantom’.
Është pikërisht ky komenti që ai la edhe në videon e Dorinës gjatë verës, duke na çuar automatikisht te titulli i këngës.
Po ashtu, ai ka postuar disa foto në Instastory, ku shihet i veshur si gjthmonë shumë stil, teksa foto janë shkëputur pikërisht nga xhirimet e këngës së fundit.
Nuk ka ende detaje se kur do publikohet kjo këngë, por ne kemi nisur numërimin mbrapsh.
Pak ditë më parë Butrint Imeri ka publikuar në kanalin e tij në You Tube dhe në rrjetet sociale një këngë 1:36 minuta të gjatë, si një surprizë të bukur për fansat.
Ai shihet i ulur në tokë teksa këndon për dashurinë. Edhe një herë, këngëtari na vjen me nota melankolike duke na treguar për mallin që e mundon për ‘atë’ që është larguar papritur. (në këngë)
Projekti titullohet “Anlasana” dhe për shumë fansa ky ishte një emër i dëgjuar, madje edhe vija melankolie. Bëhet fjalë pikërisht për këngën e turkut Haluk Levent, e cila mban të njëjtin titull.
Pak ditë më parë në Internet qarkulloi kënga e re e këngëtarit e titulluar “Gjeje”. Natyrisht ishte vetëm në versionin audio dhe nuk dihet se si kjo këngë ka dalë nga studioja për tu shpërndarë në rrjet pa lejen e tij.
Tashmë ajo është fshirë nga You Tube, teksa vetë Butrinti nuk ka reaguar rreth kësaj teme.
