Ditën e djeshme, në mediat shqiptare bëri bujë vrasja e shqiptarit 36-vjeçar në pragun e shtëpisë së tij në Londër, në vigjiljen e Krishtlindjes.
Shqiptari që u qëllua për vdekje para gruas dhe fëmijës së tij, është vëllai i modeles së njohur shqiptare Misse Beqiri.
Flamur Beqiri, i njohur si Alex, kishte vetëm pak minuta që kishte mbërrtur në shtëpinë e tij 1.5 milionë paund, nga një mbrëmje familjare të martën, kur u qëllua me breshëri plumbash nga një person i pa identifikuar, i cili u largua në këmbë.
“The Sun” shkruan se 12 vjet më parë, Flamuri kishte lidhje të ngushta kontrabandën masive të kanabisit.
Ai shkoi në Mbretërinë e Bashkuar në vitin 2016, dhe u njoh me gruan e tij Debora Krasniqi në Facebook.
Çifti organizoi një martesë luksoze në tetor 2018 në liqenin Como, Itali, që bëri bujë në mediat shqiptare, sepse morën pjesë të famshëm nga vendi ynë.
Në atë kohë, gruaja e Flamurit e përshkruante propozimin për martesë si një moment tepër magjik:
“Gjatë Krishtlindjes shkuam në një shtëpi në Kitzbuhel, Austri. Unë isha në gjumë dhe në orën 5 ai u çua deri në mëngjes duke mbuluar dyshemenë me 1.000 petale trëndafilash të kuq. Ai me pas vuri këngën ‘Magic’ nga Cold Play, e cila më zgjoi dhe e gjeta në gjunjë në fund të shtratit të rrethuar nga trëndafila. Ajo më vonë gjithashtu u bë kënga e parë e dasmës tonë”, ka rrëfyer ajo kohë më parë për Revistën Weddingstyle.
Mediat suedeze kanë raportuar se vrasja e tij ishte “e lidhur me rrjetet kriminale” në vend.
Fqinjët e përshkruanin familjen e flamurit si tepër pozitive. Megjithatë njëri prej tyre u shpreh se iu duk e çuditshme që e rinovoi aq shpejt shtëpinë e tij.
“Ai ishte akoma gjallë kur mbërriti ambulanca”.
“Dukeshin një çift shumë i këndshëm. Një gjë që më tërhoqi vëmendjen në të vërtetë ishte që ata e blenë këtë shtëpi rreth një vit më parë dhe e rinovuan atë për rreth një vit.
“Ishte diçka e çmuar për ta. Kur u futën në shtëpi mund të dalloje se donin një shtëpi të bukur”.
Producenti kishte disa miq dhe ish-bashkëpunëtorë të cilët gjithashtu u vranë dhunshëm, sugjerojnë raportet. Flamuri ishte një bashkëpunëtor i ngushtë i Naief Adawi, 33 vjeç dhe gruas së tij mjeke Karolin Hakim, 31 vjeç, e cila u qëllua për vdekje ndërsa mbante fëmijën e tyre dy muajsh në krahë, në 26 gusht të këtij viti.
/The Sun
